En julio 2026, kelkaj esperantistoj vizitis la Sovaĝan Rezervejon de Ploubezre, apud Lannion.

Tiu rezervejo estas posedata de ASPAS (Asocio por Protekto de Sovagaj Bestoj). Ĝi konsistas el 60 hektaroj da arbaro, laŭlonge de la rivero Leguer, en libera evoluo, tiel estas sen ia ajn homa interveno.

La pado sekvas la riveron, kaj ni ĝuis la trankvilan etoson de tiu magia loko, sub la ombro de arboj (tre ŝatata en tiuj varmaj veterkondiĉoj), aŭskultante la birdkantojn, la murmuron de la rivero, kaj la zumadon de insektoj. Ni estis mirigitaj de la granda nombro da ranidoj saltantaj sur la pado.

Niaj amikoj Marie kaj Michel klarigis al ni, per mallaŭtaj voĉoj, la genezon de tiu natur-rezervejo, kaj kiom ni fieras, ke ĝi ekzistas tiel proksime al ni, oferante sian stabilecon, sian sentempecon, la certecon, ke ĝi ankoraŭ estos tie post 100 jaroj, plena de sia longa pacienco kaj sia granda oferemo.

Maja Mériaux